Sochta hoon ki likhna chod doo

Image

Purani almari jisko hum showcase kehte the

Papa ke jawani ka Sunmica darwajo pe jispe lohe ke handle lage the

Usmese nikali ek dhool khati hui dairy

Dairy aadi bhari thi aadi khaali

Socha baaki ki aaj bardu

Kalse Phir likhna chod doo

Muflasis si jo jee choti si zingadi usse peeche chod doo

Kisi Marwari ke yahaan phir naukri doondh loo

Gharwaalo se maafi mangoo aur abh yaha se chalta banoo

Aaj ke baad udhar pe jina chod doo

Sochta hoon ki likhna chod doo

Shuruat main bada dheet tha, Kisi ki sunta nahin tha

Sab pareshan the mujshe aur main unse khafa tha

Apne kehte the tujhmein badi akad hain

Abh toh uss akaad ki kamar tuti hui, aur ghootne kamzor hain

Na chahte hue apno ko rula chukka hoon

Sochta hoon abh yeh zidd chod doo

Sochta hoon ki likhna chod doo

Bade chaav se likhi thi TV ke liye English comedy

Jab koi show bana sakha to likh di ek kitaab

Usse main bhi ek hero tha, hero kya kahoon bilkul zero tha

Roz ghirta padta tutta hua tragedy se comedy banata phirta tha

Puri hui kitaab toh bhej di kuch publishers ko

Publisher toh chodo pada toh apno aur doston ne be nahin

Bura laga thoda par shikwa koi nahin

Shayad mujhi mein koi kami rahin hogi thi

Abh bahot der ho chuki hain ki woh kami puri kar loo

Sochta hoon ki likhna hi chod doo

Aaj kal Television studio’s ke chakkar kaat ta phirta hu

Ghisis hue suede ke jooto ko aur ghisata hu

Thodisi Purani rayeesi kapdo meinse abh bhi jalakti hain

Branded goggles aur gadi badi lambi jo chalti hain

Bachi hui boondein perfume se nichod laya hoon

Aaj phir dasvi baar usssi director se milne aayaa hoon

Bheek mangne, ki kuch likhne ka mauka to do

Aakhir naya writer hu, sikhne ka ek mauka to do

Badi mara maari hain inn offico main

actron ki fauj roz aati hai kaam ke silsiley main

Kaam bas ek aadaa ko hi mil paataa hain

Mere bazoo main ek tamatar se jyada sundar actor baitha tha

Shiddat se apni linein ratta hua, chehre se ajib ajib harkatein kartaa hua

pagal sa jaan padta tha

Maine kah,aan “bhai aache ghar ke ho kyon yahaan jhak mara rahien ho”

Kehene laga “ Bhai Roz issi umeed main ghar se aataa hu,

ki aaj kismet badlegi, aur kisi producer ki nazar mujhpe padegi

Par shyamko lagta hain ki struggle kartein kartein puri zindagi kat jayegi

bhai iss industry ka yahi dastoor hain,

Struggler ko laat aur agar kaam mil jaaye toh that hoti hain,

Waise tumbhi koi khandani garib toh lagte nahin,

toh kyun is garibi ke profession main padeho hue ho?

Jao jaakar koi aur kaam doondhoo”

Roz inhi struggling actron ke beech baitha rehta hoon

Aur Sochta rehta hoon ki likhna chod doo

Makaan maalik ne phir khiraya bada diya,

Struggle kartein kartein ek saal pata nahin kaise guzar gaya

Bechari makaan maalkin ko mujhpe taras aataa hain

Kiraya toh kam nahin karva sakti isliye

koi graho ke mandir ka address bataya hain

Kehti hain – Acha bura waqt toh sabka aataa hain,

Aakhir insaan hi insaan ke kaam ataa hain

Sochta hoon Graho se apne harkaton ki maffi maang loo

Sochta hoon ki likhna chod do

Samay kitni jaldi badal gaya

Peechlee rakhi mein behen ke paas nahin gaya

Toh Choti behen naaraz rehti hain,

Mujhe apne se chota jaankar dhaant ti hain

Naa hi chote bhaiyo ke liye kuch kar paya

Na hi apno se badho ki umeed puri kar paya

Filhaal apno ki dhaant sunkar hi unhein khus kardoo

Sochta hoon ki likhna chod doo

Abh tak kuch khaas likha hi nahin

Toh phir kaise likhna chod doo

Abhi pura lekhah bana nahin

Toh kaise lekhah ki maut maar doo

Abhi toh theek se jiya hi hain

Aur aap ke kehne se jeena chod doo?

Roz subhe uthke ladta hu kore kaagaz se

Jung si chidti hain dil ke taron main

Kahaan se shuruat karoo, aaj kya likhoo

Saikhdo sabdo ke teero ka waar karta hu us kagaaz pe

Tab kahin jaake do linein achi lagti hain

Shyam tak chaar panne bhar nahin pata hoon

Bhar bhi loo toh kisi ko suna ahin pata hoon

Kyon akela ghar mein biatha, ghut ta rahoon

Deewaron ko taakta rahoo aur khud se baatein karoo

Aakhir sochta hoo ki likhna chod doo

Life ke saarein kaam adhoorein reh gaye

Josh main likhe saare pane unsune reh gaye

Jaise koi nahin padega is kavita ko bhi

Jaise kissi ko pata na chalega mein lekhah tha kabhi

Khudhi ke banaye hue andhero main ghum hogaya hoon

Inhi andhero main sir peet ta, bhaagta phirta hu

Dharwaaje maine andhar se band kar diye the

Toh koi aur kaise mujhe bahar nikalega yahaan se

Main hi khud kuch karta hoon, kundi kholta hoon

Aur sochta hu ki likhna chod doo

Image

Koi bada shayar nahin, gulzar nahin hoon

Bahot chota hoon, mamooli sa tinka bhi nahin hoon

Umar, samaj mein aur talent mein bhi

Par chota hi sahin writer to hoo

Kaise apne aap ko chod doo

Batao kaise likhna bandh kardoo

Kaise Apna dil nikaal kar rakdoo aur jiyoo

Pata nahin kyun roz sochta hoon ki likha chod doo

Image

Aaj phir Gulzar padha, to thoda aur socha

Mann nahin mana ki kitaab bandh kar doo

Laga ki padhta raha hoon, unhein suntaa rahoon

Suraj ki tapan mein jalta rahoon,

chand ki chandni mein bigta rahoon

na neend se uthoon, unlok mein udtaa rahoon

Thoda aur seekhoon aur seekhta rahoon

Shayad issi bahane kuch acha likdoon

Akhir kyun main phir likhna chod doo…